睇完之前4集《期貨入門》，踏入2023年，好想試吓落場trade？但又驚睇錯市落錯注？Finance730今集就請到艾德證券期貨聯席董事 陳政深Ryan，為觀眾分析新一年美股同黃金走勢，等你掌握市場大方向，做好投資決定。
Ryan認為，今年股市表現仍然會深受美國聯儲局嘅貨幣政策影響，但隨住近期通脹有所放緩，市場又開始憧憬俄烏戰爭年內會有轉機，預期美國加息步伐可能放慢，過去一年超強勢嘅美元最近亦開始回落，相信對投資市場會有正面幫助，「我自己對美股今年走勢唔會太悲觀，當中納指同標普500指數去到年底計甚至比較樂觀…」。
美國一眾科技股喺過去一年回調幅度唔細，Ryan較睇好一啲始續有正現金流嘅大型科網企業，認為呢類巨企估值重現吸引力，中長線有押注機會。當中最為投資者熟悉，納指權重股之一嘅Tesla（美：TSLA）近期雖然受減價消息困擾，但對公司財務影響相對輕微，不過論值博率，汽車股之中Ryan仲有其他心水…
金價近期受惠美元低走而表現強勢，曾升上每盎司1900美元以上，創8個月高。Ryan認為黃金價格會喺現水平先行整固，「一邊廂市場對俄烏戰線有轉機憧憬，但東亞地區嘅地緣局勢會唔會係潛藏令人擔心嘅因素呢？」佢預計金價到第二、三季可能挑戰…
免責聲明：
– 本影片只供作參考，不構成任何證券的要約、招攬、建議、意見或任何保證。
– Finance730已竭力但不能保證本片內容準確和可靠，亦不承担任何不準確或遺漏而引起的損失或損害。
– 投資者應注意，投資涉及風險，投資產品價格可升可跌，投資前請充分理解產品風險，並諮詢專業顧問。
– 本片內容未經香港證券及期貨事務監察委員會審閱。
– 投資者不應根據本資料作出任何投資決定。
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼消閒生活 時尚品味
▼投資教室 專題研究
