點解林作老是常出現，有事發生就抽下水? 點解佢成日都搞到自己「好黑人憎」咁？等我分享下我對林作式嘅負面宣傳 (Negative Publicity)嘅睇法:
負面宣傳並唔係叫你成為一個人見人憎嘅人，佢係一種策略，透過製造同利用 Market Noise 去最大化自己嘅利益。
咁林作係做啲咩？做保險，即係做銷售。
做銷售最需要嘅係咩? 客人嘅信任。
呢一行，高學歷/出名/有錢嘅唔缺佢一個，所以即使佢入行時有公眾人士或學歷加持都未夠，仲要識點樣得到潛在客戶嘅信任。
佢選擇透過出位言論/行為，製造討論話題，雖然有好多人罵佢唔鍾意佢，但總有一小部份人欣賞佢，認同佢，支持佢， 覺得同佢諗法一致。
但對佢嚟講，有一小部份就足夠，因為佢只需要小部分嘅人信任佢，加上保險係單價較高，比較 high involvement 同 switching cost 較高嘅產品，所以佢只需要不斷曝光，不停搵到呢班支持佢嘅人嘅信任就足夠。
假設林作出位嘅言論得到200萬人嘅關注同討論，用 Marketing Funnel 去 Visualize 就會係以下咁樣 (數字純粹估計 for reference)：
假設 % 不變，佢只需要不停曝光，爆大 Awareness 嘅數，同樣地，佢只需要得到個1%嘅人支持同信任就足夠。
我並唔鼓勵大家去用呢個宣傳方法，因為要拿捏好個平衡實在好難，雖則林作係醒目仔，但醒目如佢亦出過幾次事，希望大家了解到背後個 Thinking。
【Finance730 專欄作家：廣告師 @hongkongad】
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
