預防疾病嘅廣告相信大家睇唔少，不外乎講下數據或者叫粒星著住套老西喺鏡頭面前叫大家小心啲，而今次MSD就預防HPV作出唔同嘅嘗試，互動影片唔係新野，但唔係個個都可以Handle得好，唔睇唔知，結果一睇就心思思…
我個人認為要觀眾投入互動影片嘅困難之處在於要佢地完成整個 Video Journey，中間棄game都會冇咗個意義。特別喺呢個短視頻當道嘅世代，觀眾嘅注意力更加容易被分散，只要影片主題不吸引就會drop off。
呢輯互動影片長度拿捏得好，劇情節奏快，配上兩位靚女演員，令觀眾投入度高，容易一波睇晒唔棄片；而因為我好快就睇完一個結局，令我想快啲重刷睇另一條線，然後就不斷睇不斷睇😂同埋當你乖乖地講預防HPV，基本上都冇咩人專心認真聽架喇。
片中就將平時當耳邊風嘅忠告透過以麥沛東搞笑演出植入觀眾腦袋，特別係重刷過幾次嘅觀眾，相信已經被佢洗咗腦，可以背得出「頭頸癌」呢個病。
影片中除咗重現「屈我啦屈我啦」經典場面，麥沛東嘅演出絕對係昇華互動影片體驗嘅重要一環。
我最欣賞嘅地方，係無論你最後揀咗咩結局，「專一暖男」抑或「天生桃花王」，影片最後都可以搵到唔同嘅個angle去帶出預防HPV嘅重要性，呢個係互動影片嘅難能可貴之處。
因為影片所帶出嘅重點之一，就係你無論係咩類型嘅人，單身或只有一個性伴侶，都有機會中HPV，呢方面就真係要俾返Agency一個Credit，能夠帶出Campaign重點又能收個靚尾。
順帶一提，我係超高危人士，因為我一直all in Mandy😂
大家可以上去玩下，睇下自己係邊一類型嘅人!
【Finance730 專欄作家：廣告師 @hongkongad】
鍾意睇廣告但去咗做Media Agency嘅𡃁仔。我會定期分享有關營銷、廣告、職場或相關嘅熱門話題，希望用輕鬆簡略嘅文字帶大家認識更多 Marketing 嘅世界。
【更多市場營銷相關資訊】
廣告賞析丨1個10秒廣告 從細節看出細心（廣告師）
15年來兩度上市｜新傳企劃靠FB Page年袋1.3億廣告費
2023社交媒體最佳出Post時間｜邊度落廣告投資回報率最佳？
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
