亞太經合組織（APEC）領導人非正式會議將於今年11月喺美國三藩市舉行。美國《華盛頓郵報》引述三名知情官員報道，白宮已經決定拒絕畀特首李家超出席APEC峰會，但特區政府仍然可以派其他官員率領代表團出席會議。
行政長官李家超以及其他10名香港官員喺2020年因實施港區國安法而被美國制裁，所以早喺幾個月前，各界已經開始關注李家超能否順利出席APEC會議。北京喺今年六月曾經表示希望美國作為今年APEC嘅東道主，會邀請李家超參加峰會。
不過《路透社》6月報道，美國副國務卿舍曼曾以書面回覆國會，話白宮將邀請李家超參加APEC會議，以促進地區經濟對話；有關決定遭到多名議員反對，其後美國國務院修改聲明，改口話國務院仲未就邀請名單作任何決定，之前係無意中將錯誤嘅回覆版本送交國會。
中美關係喺上年年底一度因氣球事件惡化，但事件嘅影響已經逐漸消退，近期美國國務卿布林肯、財長耶倫及總統氣候問題特使克里都相繼訪華。白宮喺雙方關係稍微回暖之際拒絕特首參加會議，有分析指呢個決定可能會促使國家主席習近平拒絕參加今年嘅APEC峰會，不過亦有人認為由於中國經濟前景黯淡，習近平希望藉呢個機會重振全球投資者對中國經濟嘅信心，以及向國內民眾展現佢依然可以掌控中美關係，所以唔會缺席APEC會議。
白宮發言人拒絕評論事件，只係話「期待所有APEC成員代表團按照美國法律法規參加會議」。中國駐美大使館發言人就表示強烈反對，批評做法違反APEC原則，違背美方作出嘅承諾。
特區政府發稿回應，指美國應切實履行東道主的基本責任，依照亞太經合組織的常規及一貫做法邀請行政長官以中國香港領導人身份出席會議；亞太經合組織會議不屬於某個國家或經濟體，而亞太經合組織亦有其規則和習慣，任何東道主都要按着這些規則和習慣邀請成員參與。
🎓Finance730 x FM財自 首個聯合舉辦講座《財自學院》
有猛人講者 基金經理黃國英 公開最新第四季焦點板塊及投資策略📈
7月31日前報名💰可享早鳥優惠（HK$300）
仲可以同英Sir現場交流🗣
8月19日 英Sir駕到👉https://finance730.com.hk/shop/
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
