證監會在6月1日起規管本港虛擬資產交易平台，但至9月才點名批評虛擬資產交易平台JPEX，有專攻公司法及商事法的律師質疑，JPEX早已鋪天蓋地宣傳，又高調作出失實陳述，但證監會卻後知後覺，又認為給予虛擬資產交易平台12個月寬限期，令JPEX藉空窗期捲款，直言「既然認為要規管嘅，點解唔一刀切呢？」
JPEX利用12個月寬限期捲款
李偉明律師行高級顧問律師車灝華表示，理解當初證監會決定規管虛擬資產交易平台時，或基於商業考慮，給予12個月寬限期予現存的平台申領牌照或結束業務，但卻造就一些如JPEX的平台藉此在寬限期內「無法無牌」地繼續經營，「拎呢12個月嘅leeway（空窗期）幹票大嘅，然後就捲走你囉。」他質疑證監會的做法，「既然認為要規管嘅，點解唔一刀切呢？」
他亦指出，JPEX在港的宣傳活動「唔喺一兩日嘅事」，一早已鋪天蓋地進行，既有KOL出面宣傳，又曾高調贊助拳賽，甚至「喺港鐵香港站有鋪天蓋地嘅廣告」，但證監會似乎直至有傳媒報道事件後，才後知後覺。
JPEX失實陳述在證監會「眼皮底下發生」
他提到，證監會宣佈會推行發牌制度後，JPEX曾宣傳自己已在澳洲領牌，亦曾聲稱在日本正申請牌照，質疑為何證監會未能及時留意到這些失實陳述？他直指所有事件都在證監會「眼皮底下發生」，但證監會卻未能及時行動，直到「滙咗唔知幾多十個百個億，你先走出嚟話呢個有問題，有無攪錯呀？」
他直言，證監會在事件上要負上較大責任，「證監會睇股票喺睇得好好嘅，股票市場監督得好好嘅，但喺去一啲新興嘅嘢嘅時候佢就比較慢囉。」
應教育投資者 「無咁大隻蛤乸随街跳」
他認為，若執法部門更早作出警示及公眾教育，令人知道「無咁大隻蛤乸随街跳」，或者這次事件未必會發生。雖然他認為政府發展虛擬資產立意良好，令香港產業更多元化，但對於投資者的教育仍然不足。
更多JPEX案相關報導
JPEX案‧懶人包︱10億加密貨幣騙局 關聯名人、公司逐個爆（持續更新）
JPEX案‧首日｜JPEX再遭證監轟可疑 即晚限制出金 KOL偃旗息鼓
JPEX案‧刑責︱林作等人被捕 律師盤點網紅、藝人、合伙人的刑事責任
JPEX案‧索償｜律師評JPEX苦主索償4大方向：交易所、KOL、合伙人、OTC
JPEX案‧拆局｜專家：盛事前證監洗太平地 台灣反應超越香港
執法者識條鏈？︱JPEX反擊聲明寸爆警方：混淆中心化交易所同錢包嘅分別
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
