上季美國流往初創的資金水平跌至創六年來最低水平，風頭一時無兩的共享經濟、Web3、Fintech主題Startup資金「乾塘」。一間Low Tech初創——Liquid Death靠賣水維生，卻有能耐飛躍成全美成長速度排第2名的初創企業，估值7億美元（逾54億港元），逆市對外高薪挖角。成功之道在於廣告界出身的創辦人聽演唱會諗到嘅一條無聊問題。
Liquid Death創辦人曾任Netflix創意總監
暗累系包裝的罐裝水品牌Liquid Death「死亡液體」。飲水飲到死死聲，雖然唔多吉利，卻令「大逆不道」嘅老闆四年暴富。曾經喺Netflix做過創意總監，亦曾經響廣告公司做過，Mike Cessario有極強觀察力，某次睇一場Band友表演時，發現雖然台上歌手一邊接受能量飲料商Monster贊助，一邊將裡面嘅液體偷龍轉鳳，注入清水保充水分。
恍然之間，Cessario獲得咗創業靈感：市面上越垃圾嘅食物，普遍包裝越「型、靚、正」。如果有人可以為健康飲食添新衣裳，或者會打開一片藍海，即係無人踏足過嘅新市場。
「點解去演唱會同Party，一定要飲酒？」
憑住廣告狂人嘅創意，同埋2年嘅策劃，Cessario決定用「生命之源」嘅相反，起名Liquid Death「死亡液體」：「我哋品牌生存嘅唯一希望，就係要令件產品極之有趣，所以Marketing係裡面嘅重大部分」。
Liquid Death廣告大受歡迎
喺總值2萬億港元、同質性極高嘅樽裝水市場裡面，Liquid Death不收分毫注資，甚至連產品都未推出，就已經吸引8萬人讚好Facebook專頁。單憑一個怪名，Cessario令顧客同零售商不斷向佢查詢，邊到先可以買到呢枝咁正嘅水？Liquid Death同年獲得風投基金注入160萬美金（約1,248萬港元），「死亡液體」正式開賣。
Liquid Death自認娛樂公司 生意模式似潮牌
四年過去，Liquid Death年銷售額達到3.5億港紙，今年預期可達20億，增長之快令人訝異，同時亦都令人擔心，呢個玩笑幾時玩完？轉數快嘅Cessario就自信滿滿：「我哋其實唔止係一間賣水嘅公司，更係一間娛樂公司。當我哋令到顧客大笑一餐，就係創造緊真嘅價值。
事實上，Liquid Death淨止賣罐裝水，仲有賣好多設計暗黑嘅衫、擺設，Cessario話過上佢地網站買水嘅客戶之中，過半數人買埋服飾配件。呢檔初創與其話係飲料公司，更加似係潮牌。
更多初創故事
ESG｜獲獎初創Green Ashes將入侵性植物轉為活性炭
初創人必看！Startup首發平台Product Hunt每日推薦10新App
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
