歲月漫長，人生通常不會一帆風順，但「上天關了你一道門，必定留下一扇窗」，只要努力，凡事總有出路。前籃球港隊成員、前甲一飛鷹隊隊長— Coach Fui在成為全職教練前同樣飽歷滄桑；因為照顧早產女兒而失業，在無心插柳下，由在YouTube拍片教授打球技巧，最終開創香港成人籃球班先河。一次不幸，令他將自己最喜愛的籃球，變成了養妻活兒的事業。
➤「 30幾歲人都係得3000蚊，其實男人咁係唔得架嘛 」
前港隊成員梁振雄（灰 Sir）退役後走上人生新一頁，2017年任職保險經紀的他，與設計師太太原本過的是平凡生活，豈料懷孕妻子突然驗出患有妊娠毒血症，情況更急轉直下，三日內遵循醫生建議開刀取出胎兒，他形容當時人生就像玩笨豬跳一樣：「淨係跌落去。」最後女兒在深切治療部留醫半年，出院時仍需依賴氧氣筒維生，灰Sir亦接受醫生建議，辭職在家照顧女兒。
兩個月後灰Sir發現銀行存款只剩下3000元：「30幾歲人都係得3000蚊，其實男人咁係唔得架嘛，所以你咪又要揾錢」。機緣巧合下，有YouTuber邀請他做訪問，啟發他成為YouTuber，認為即使沒有觀眾，都可以記錄下來，讓女兒長大後觀看，並且希望透過YouTube平台廣告分成賺取收入。
可惜事與願違，他在網絡世界的受歡迎程度與其收入不成正比：「我估唔到YouTube畀咁少錢我，係養活唔到。拍咗成40、50套片，每個月都係得三千幾蚊，雖然都多人睇架啦喎，都唔係話少人睇架啦喎」不過正正因為YouTube教學片，所以越來越多人認識和欣賞灰Sir，還邀請他做教練，受過重傷的他亦希望宣揚打籃球正確姿勢，於是決定開班教學。
➤「咁多人比賽，咁多私league，咁大家都想進步，想打好啲」
不過灰Sir的課堂跟市面籃球課程不一樣：「我諗一開始淨係得我開成人班，無人會開呢樣嘢。人人都覺得唔得，我就覺得唔係呀，都好多人想學呀我見到，咁多人比賽，咁多分齡籃球聯賽，咁大家都想進步、想打好啲。」由最初一堂10多人報名，到30、40人報名，越來越多班，現時灰Sir最多每日要教五班；除了成人班，還有青少年班和一對一教學。成人班收費2800元八堂，而青少年就要2300元，至於一對一收費當然會比較貴。
家長望子成龍，以為一對一教學對子女有好處，但灰Sir並不建議：「我知個家長有錢，想比好嘢佢，但其實籃球唔係一個人打架嘛，咁一個人教一個人，我教到佢嘢但佢冇得比賽，咁其實佢都唔知練嚟做咩」身為爸爸的灰Sir很清楚小朋友需要，他亦希望小朋友打籃球玩得開心，在課堂中享受到打籃球的樂趣，所以他會邀請家長一齊參與，變成親子班：「一個4歲嘅小朋友真係有冇咁需要講技術？無架，佢係要講興趣、籃球點令佢開心、咁其實一個爸爸陪個小朋友去打波，咪好開心囉」。
➤「 一日8個鐘已經頂唔順，教籃球唔係淨係企係到架嘛 」
拍攝當日灰Sir由天光打到天黑，先教青少年班，再教成人班，期間連晚飯時間都沒有，只買了二罐飲品補充水份，忙得連訪問都要在車上進行。不過灰Sir指今天算是比較空閒：「今日叫好空閒架啦，今日兩班咋嘛， 聽日七點第一班呀朝早。一日六至八個鐘最多，八個鐘我都好頂唔順架啦」灰Sir兩個膝蓋都斷過十字韌帶，因此即使只是站八小時對他身體負荷都很大，加上教波是需要親自示範，「教籃球唔係淨係企係到架嘛，你每一秒都要望住嗰個人架嘛，尤其當你一對一嘅時候，人地好清楚你係望緊佢定係發緊夢架嘛」。
灰Sir教波並不是要賺大錢，為了培訓下一代香港籃球新星，剛才青少年班甚至沒有收費，又辛苦、又沒有錢賺，可見灰Sir對籃球的熱血。到達體育館，灰Sir從車尾箱取出教學用品，兩袋分別裝有六個籃球的袋、電子計分牌、籃球鞋等用品放滿露營工具車，他獨自一人推著車，走進球場，繼續傳承自己的籃球技術與理念。
更多精彩影片
圖輯︱姜公誕請全港搭一日電車要幾錢？盤點全球應援花費！︱揈錢︱MIRROR經濟
電子煙末日！4.30全港禁售 商家趕清貨無奈結業︱規管仲嚴過內地？思摩爾（6969）股價暴瀉七成
綠色債券延續iBond必賺神話！15分鐘教識你計首日掛牌價︱投資101︱梁鈞宇 David
更多最新最熱最有用財經金融地產資訊 請即登記成為Finance730會員
追蹤Finance730 動向 官方網頁
▼緊貼最新市場走勢
▼消閒生活 時尚品味
▼投資教室 專題研究
