年輕唱作人湯令山（Gareth T）除咗係「男朋友材料」，大學畢業先學投資理財嘅佢更成為恒生銀行優進理財代言人。回望少年時代，佢認為「唔係go viral先需要認識投資」。
創意多多嘅Gareth化身成為理財App內嘅14個虛擬角色，由「華爾街狼人」玩到Marvel神盾局，希望用遊戲化方式鼓勵同樣後生嘅一輩「唔好驚」投資，可以容易啲學習、接受。
慶祝90周年嘅恒生全年好多新政，除咗請嚟Gareth主攻青年客源外，喺品牌定位上都顯示年輕化趨勢。例如今年起用嘅口號「恒變 生無限」，同埋今日大推、自2018年推出嘅AI理財聊天機械人「HARO」，都緊扣新興概念同潮流，一改「老牌本地銀行」嘅舊風。活動現場亦有至少十數位年輕KOL打卡推廣，包括ViuTV藝人葛綽瑤（Yoyo）。
要吸引後生仔，當然要投其所好。恒生同場宣佈，優進理財會向客戶連續三個月送出雙人來回東京機票，每日進行一次大抽獎。至於人人有份嘅，就包括喺聊天機械人中大派Gareth T福利，包括發放親口錄音，溫馨鼓勵大家達成儲蓄目標，全場聽完即起哄。第一次聽返錄音嘅本尊即刻怕怕醜醜：「吓，我唔知原來條錄音係咁用㗎喎，我以為錄完就算添！」
Gareth T湯令山IG（＠gareth_tong）
恒生財富管理及個人銀行業務主管李樺倫指，今年開立優進理財嘅年輕客戶比去年同期升2成（截至6月），所以特意迎合新客喜好，設計手機遊戲模式嘅理財服務。佢又預料18-30歲青年對理財服務嘅需求會持續上升。
更多恒生銀行相關資訊
恒生90載｜3個創業初期小故事 何善衡出僅資1,000元成老闆
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
