根據運輸署最新數據，今年3月的新登記車輛（私家車）統計數字，總數2,993架車之中，Tesla就佔1,610架，超過總數一半，比起排第二、僅有253輛的TOYOTA（豐田）多出逾六倍。香港環境局早於2021年公布有關電動車普及化的政策方向，惟坊間對電動車存有偏見，不但覺得電動車特別危險，甚至對其車主亦見誤解。
Youtuber Samantha和1000 Papa同為Tesla車主，對於坊間的誤解，兩位分別有不同解讀。
Samantha覺得，誤解或源自於某些司機的駕駛態度有關。「因為唔同年齡層都會有唔同駕駛態度，其實女司機都好多時比人標籤，有陣時女司機撞一撞就『唉，一睇就知係女司機啦！』
其實男司機都一樣會咁撞架喎，但係佢地就會特別標籤咗Tesla，或者女司機。」
1000 Papa估計Haters的出現，或因對某些人生計造成影響有關。「譬如好多傳統油車嘅一啲銷售，你睇返過去2年嘅銷售數字，Tesla除咗係第一之外，佢嘅銷售數字比起第二、三名多好多倍；甚至唔止銷售，成條供應鏈、車房、傳統車用品，相對上係一定有影響。」
「我覺得是樹大招風囉；誇張啲講，你話MIRROR嘅haters多啲，定我嘅haters多啲？梗係MIRROR嘅haters多啲，因為個底夠大。」1000 Papa說。
Tesla愈多意外愈多？
路上駕駛Tesla的車主愈來愈多，網民對他們的偏見亦相應增加，更有市民在網上表示「發生交通意外嘅車種第一位係Tesla」。1000Papa推測，發生意外是由於車主不熟悉操作造成，「我覺得係踩錯brake同電門，因為本身架車馬力好大，一踩錯就標得好犀利。另一個角度講，如果佢地本身能夠適應One Pedal Drive（單踏板駕駛），其實就唔會有呢個問題。」
One-pedal driving單踏板操作，即是當駕駛者鬆開「油門」，電動車就會自動減速和煞車，將動能回收和加速踏板結合。
而Samantha認為，無論駕駛何種車，都有機會發生意外，「其實唔止Tesla，基本上所有油車都會有機會有交通意外；但Tesla特別比人覺得好似意外多啲，其實因為佢個「一踩就去」個力同馬力，好明顯嘅力度，所以大家某程度上都會認為因為佢加速快，所以容易出意外。」
因此Tesla的起步速度，又被譽為能媲美跑車速度。「因為Tesla本身個加速成本好低，好容易一踩就去好快，所以令到好多車主都忍唔住腳好進取下；因為反應快，其實有好多時候遇到唔同情況，好似過線咁，我覺得係有信心啲呀，你去做一啲動作嘅時候，一踩就有信心地即刻去到。」Samantha說。
三保較傳統油車貴至少一倍
根據香港法例規定，在香港運行的車輛必須購買俗稱「三保」的汽車保險，而Tesla電動車亦同樣需要購買車保，保費甚至較一般汽油車昂貴。
《Finance730》早前於Tesla官網查詢保險報價，得出結果為一年保費，約9,000多元港幣，相比汽油車數千元一年保貴貴至少一倍。而Samantha則認為並非想像般昂貴，「我自己覺得model 3同model Y，又唔算話真係想象中好貴，因為如果你有60NCD（60%上限無索償獎勵）嘅話，一年大概都係9千零蚊。」
亦有網民表示，保費較貴是由於意外多。「對比返傳統油車，毫無疑問保費係相對貴一截，我相信亦都同有好多人轉揸電動車，我自己估計可能未必習慣個種咁大嘅馬力，而相對上保費有影響都唔定。」1000Papa說。
充電心態要改變
Tesla經常遭網民熱議的一個地方就是充電位不足，兩位車主對於充電亦有些心得。1000 Papa說：「我相信畀comment嘅多數都唔係Tesla嘅車主，因為邊啲係排隊嘅位大家都知。」
Samantha就表示，數年前的確缺乏充電位，但現在已有改善。「而家亦都唔少停車場起咗充電站，但好多都要收費，收費相對上就少人。我覺得係叉電上心態要改變，預咗叉電要畀錢就舒服啲。」
回應偏見
對於網民對於駕駛Tesla的車主有偏見，兩位亦有不同看法。1000 Papa認為，改變市民心態需要時間，「人好得意，當你唔鐘意一樣野嘅時候，你見到啲咩都會覺得有問題；初期有呢啲Haters，又或者labelling都一定會有。」
他又指，要讓市民見到電車帶來的好處才真正改變大眾對Tesla的偏見。「如果有一日，大家試想象下大部分九成，甚至100%全部電動車嘅話，成個銅鑼灣空氣其實相對上改善好多，喺馬路上行駛嘅時候，可能唔會再有咁多噪音、廢氣；好處實在太明顯，朋友、身邊愈嚟愈多人揸電動車嘅時候，其實大家都會感受到個好處。」
Samantha表示理解大眾想法，建議大眾可嘗試感受Tesla再下定奪。「我就明白有啲冇咁鐘意電動車嘅人，其實佢地某程度上好鐘意聽到引擎聲，又或者好鐘意車嘅某一啲設計；鐘意車嘅人其實佢地對汽油車係會有一個特別喜好，所以其實我係唔抗拒佢地係會特別鐘意，本身嘅汽油車，我覺得可以試下佢嘅感受。」
更多精彩影片
買TSLA股送Tesla車？Model Y Long Range開箱 零部件概念股全面拆解！
星級形象顧問轉行做「漁佬」 成層樓射落海為養本土靚魚︱成功靠自幹︱本土養殖
上天留下的一扇窗︱照顧女兒辭職戶口剩$3,000 靠YouTube爆紅創成人籃球班先河︱Coach Fui
更多最新最熱最有用財經金融地產資訊 請即登記成為Finance730會員
追蹤Finance730 動向 官方網頁
▼緊貼最新市場走勢
▼消閒生活 時尚品味
▼投資教室 專題研究
