AI人工智能應用短短數月間透過ChatGPT震撼全球，主打人像及影像生成AI的香港初創Pantheon Lab也有顆雄心壯志要顛覆世界，主打的電影級「換面」技術號稱能夠節省製作公司70％時間及金錢，而利用AI人工智能及大數據生成的人類樣貌更獲前新聞主播陳洛鈞高度評價九成似真人，預期許多幕前職位勢被AI人工智能淘汰。
已經三度創業的Pantheon Lab創辦人劉劍鋒（Ivan）的野心於公司名稱展露無遺，「萬神殿（Pantheon）響歷史上有非常大的代表性，唔同嘅賢者、科學家、數學家、藝術家響果度分享知識。如果我哋Pantheon Lab喺香港做到一個技術平台，吸引唔同人材一齊去研發、一齊傳播知識、一齊去諗啲新野」。
Pantheon Lab主打的虛擬人像（Virtual Human）技術是透過機器學習（Machine Learning）及人工智能自動產生不同的人類相貌，進而模擬人類的聲線、嘴唇動作及表情等取代真人上鏡，「利用AI生成面孔可以視乎客戶需要，做宣傳推廣、教學、好似主播咁做報新聞都得」。
技術於2019年開始研發，至去年第二季開始推出市場。例子之一是年半前推出的「虛擬女團」，人工智能基於20萬個亞洲人面色塑造出4個不同風格的女生相貌：高冷、文青、陽光、中二病，後及公司的活動影片中再使用換面後製技術，將其中一個女生的相貌換到模特兒身上，視覺效果幾乎與真人無差別，但就無須再擔心肖像權、員工要求加薪、代言人發生醜聞等一系列問題。
換面技術驟耳聽不過是大路貨色，但劉劍鋒稱有技術能力做到4K或者8K電影級畫質科技公司其實不多。以影片每秒25至30影格數（Frame per Second，FPS），目前一分鐘影片用人手逐格畫面換面需要1.5至3個月時間，如果Pantheon Lab的人工智能可以將時間縮短至1星期內，估計能夠為影片製作業界「換面」節省七成時間及金錢，且與國內及南韓電影後製公司有合作計劃。
對於電影中需要「借位」的鏡頭更作用巨大，「例如有個女演員係劇本係個芭蕾舞高手，但佢唔識跳。正常情況度佢係個女仔（替身）響度轉，然後定價睇返女演員大頭」，如果應用換面技術則可以令鏡頭運用有更多可能性。
公司名稱雄心萬丈，自不止步於電影技術後製，「如果有一日我哋打一句劇本就可以生成到一條影片，當中既人物角色、背景，所有野都用AI去生成。大家嘅時間就留返響創意度，繁複既工序就用AI去處理」。
Pantheon Lab的AI生成漂亮面孔輔以高清換面對一眾「靠樣搵食」人士都構成威脅：電視主播、補習名師、主持司儀、Model KOL等。
前新聞主播陳洛鈞：AI生成虛擬人外貌「靚過真人」
前新聞主播陳洛鈞在Finance730邀下觀看過數段Pantheon Lab技術示範影片後稱：「第一眼我覺得分唔到真定假」，以100分為滿分，虛擬人像已經有85分至90分似真人，挑剔位是表情略為生硬要扣分、放大看亦易察覺到「鬆郁矇」瑕疵，但單論外貌的話幾乎無得彈，「靚、好靚、靚過真人」。
陳洛鈞 
至於新聞主播未來會否全面被AI人工智能所取代，陳洛鈞強調主播只是新聞的配角，「太靚都唔係主播應有嘅特質」，成功「入屋」的主播似是方健儀及方東昇都各有一套說話的方式，觀眾喜歡的是主播以人性化的表達將新聞變得鎳生動，而這一點是AI所不能取代。
不過，她承認商業機構必然躍躍欲試，尤其是金融科技領域，「佢賣點就係高效益、低成本，確實係吸引」，相信未來一定有好大部份嘅工作被AI所搶佔，但人類都總會有其價值，例如總要有人為AI產生的內容把關或者決定AI的方向，並笑指「世界永遠百貨應百客……未來可能唔靚既野殺出一條血路呢」。
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
