你的基金經理樣子如何，回報也必如何。2個金融學院嘅學者將1,677名中國基金經理相片掟入深度學習模型，分析理金經理們的樣子吸引程度，結合旗下基金的多項指標，得出的結論係醜樣嘅理基金經理年化回報高出好樣嘅Fund Managers多達2％。
「美貌帶來什麼？基金經理吸引力與投資回報」（What Beauty Brings? Managers’ Attractiveness and Fund Performance）研究由上海交通大學上海高級金融學院（SAIF）學者白澄宇（Chengyu Bai）與田詩文（ Shiwen Tian）進行，最新於本月初修訂的論文開宗明義「人類係有意無意之間都以貌取人」，所以他倆的研究目的在於：「如果我哋係投資前睇一眼基金經理照片，會唔會對投資者有所幫助？」。
兩人循中國證券投資基金業協會（AMAC）、新浪同Choice database搜集到1,677個基金經理人寫真相，繼而使用人面檢測技術從照片單獨提取出臉部以免去服裝和髮型影響，再使用深度學習模型量化基金經理的面部吸引力，聲稱今次是學術界首次引入AI量化外貌影響。
結論係外貌吸引力塾底（aka最醜果批）基金經理每月投資表現跑贏最好樣班人操盤基金0.17%，就算計埋系統性風險之後，兩者差距都仲係好大。
點解資產管理行業會出現「漂亮招財貓」vs「我很醜但我很賺錢」的二元對立？兩個學者就話原因之一係：長相較佳嘅基金經理分析市況時太過樂觀、傾向過度交易、鐘意好似彩票嘅資產、回報波動較大的股票，以上種種都事實意味外貌令佢哋產行嘅自信，演化成較高風險的投資行動。
另外，研究仲話根據基金經理同基準指數的選股偏差程度顯示，基金經理越係儀表出眾，揀股方面就付出越少心力。相對地，長相普通嘅基金經理人喺審時度勢同揀股方面技能較好。
咁型男美女基金經理係咪就無價值呢？研究就話好樣嘅基金經理顏值同吸金力成正比：越好樣就吸到越多人課金，連帶影響事業發展，好多時IG-able嘅基金經理往往會流向細公司，因為後者對Fund Manager吸金能力更為睇重。
更多商學院學術研究
尋找股皇有理｜美股百年55.1萬億財富 只靠966間公司創造
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
