曾經是全職股票炒家、筆名摸魚的黃敬凱（Terence Wong）最近在社交媒體上分享近況，稱自己近年投資失利，短短兩個交易日內身家蒸發半億，隨後「越窮越見鬼」，淪為Luna及JPEX事件苦主。如今身兼多職：開Uber、私家看護、賣章魚小丸子等，「輸咗我都要好似吳浩康咁，努力做嘢養家」。
曾經是全職股票炒家、筆名摸魚的黃敬凱（Terence Wong）最近在社交媒體上分享近況，稱自己近年投資失利，短短兩個交易日內身家蒸發半億，隨後「越窮越見鬼」，淪為Luna及JPEX事件苦主。如今身兼多職：開Uber、私家看護、賣章魚小丸子等，「輸咗我都要好似吳浩康咁，努力做嘢養家」。
摸魚（黃敬凱Terence Wong） 自爆2022年兩日輸半億
摸魚在文中坦認過去兩年「輸咗好多錢」，包括2022年因為貪心及失手，在股票市場「短短兩個交易日身家蒸發左5000萬」，隨後轉戰加密貨幣，但「Luna事件」令他損失金額以千萬元計，至去年JPEX爆煲，他同樣是苦主之一「見到Facebook嘅富貴朋友好信任呢間公司，誤以為JPEX 安全，點知再輸多一獲。」
與此同時，摸魚在2022年因為犯了妨礙執行搜查令罪成判監2星期，從此銀行戶口及信用卡被停用，「當時我就知道香港金融市場已經係一個容不下我嘅地方，並於2022年已經停了所有跟股票課程有關的工作。」
摸魚自此成為Slasher，「揸咗Uber有大半年」，同時還在多間公立醫院兼職，甚至試過在住所附近一間章魚小丸子店舖兼職。
摸魚強調自己沒有怨天尤人，「金融呢行從來都係優勝劣敗(有時運氣都係實力嘅一種)，無人揸住支槍逼你去賭，而且好多時候係輸俾自己嘅貪念。我只係想警惕自己或者即將入行嘅新一代，呢個大賭場有人贏就有人輸，以前睇《大時代》最後講到「及早離去」得啖笑，贏錢嘅時候邊有人會諗離場，呢幾年我將曾經贏返嚟嘅都差唔多輸返晒出去，先明白當中嘅意義」。
摸魚： 入得賭場唔係贏就係輸 而我選擇嘅係腳踏實地
如今在社交媒體自爆近年連番不幸遭遇，摸魚稱是源於早前在社交媒體提到自己「揸Uber」後意外地有很多朋友及傳媒關心，所以索性一次過公開交代近況。「股市同功夫一樣，一橫一直，贏嘅自然會留低，輸嘅被市塲淘汰。其實輸並不可怕，入得賭場唔係贏就係輸，而我選擇嘅係腳踏實地，積極面對。就算輸咗我都要好似吳浩康咁，努力做嘢養家，我絶對唔會好似張致恆咁，成日怨天尤人，覺得時不我與。講真有無尊嚴唔係人哋比你，係你自己俾自己，你覺得揸Uber好冇尊嚴咩？我覺得咁樣好踏實，用自己嘅時間去賺錢然後氹女朋友開心。同埋我都好想借呢個機會鼓勵我一個好兄弟，佢喺2022年輸得比我甘，失去嘅比我更多，我想藉住我嘅故事去鼓勵佢，我得佢都得，加油呀兄弟！🫶」。
摸魚在文中亦提及入獄一事令家人經歷失眠及情緒困擾，「仲要因為班懲教做嘢太求其俹簁，搞到我媽生日嚟咗兩次都冇得探，呢件事我一直耿耿於懷，我覺得好對唔住我屋企人」，事件也是令他轉任護士、腳踏實地的原因之一。
摸魚稱自己公開近況「就唔怕比金融業界茶餘飯後，攞嚟取笑」，也不怕網絡Haters取笑與奚落，反而歡迎大眾分享他的個故事，「警惕一下身邊做金融嘅人，贏到自以為是嘅人🤗」。
黃敬凱2021以800萬購維港匯一房戶：「錢太多所以買樓」
資料顯示，摸魚Terence Wong（黃敬凱）在2021年曾現身「長沙灣地王」維港匯銷售會埸，稱 「錢太多所以買樓」，購入約800萬元維港匯一房單位作分散投資。
2022年黃敬凱因妨礙證監會執行搜查令被判囚2周
證監會表示，東區裁判法院早前在證監會提出檢控後，裁定黃敬凱妨礙證監會執行搜查令的罪名成立，判處監禁2周，案件屬首宗因為妨礙證監會的僱員履行根據《證券及期貨條例》獲賦權的職能，而被判罪成的個案。
證監會法規執行部執行董事魏弘福表示，歡迎法庭的裁決，認為判刑帶出強烈而清晰的訊息，就是妨礙執行搜查令的行為，嚴重損害證監會法定職責。任何人故意妨礙證監會人員履行職責，屬干犯嚴重罪行，證監會堅決採取法律行動。
證監會在2021年10月取得搜查令，以在黃敬凱的住所搜尋、檢取和移走，與證監會就某香港上市公司股份可能涉及市場操縱行為所作調查有關的紀錄及文件。證監會執行搜查令時，黃敬凱涉嫌拖延不讓搜查隊進入該處所，並試圖處置4件物件，包括兩部手提電話及兩本筆記簿。
更多財經KOL相關資訊
財經KOL轉型直播帶貨 慘變股民出氣袋 退貨率101%成傳奇
律師評JPEX苦主索償4大方向：交易所、KOL、合伙人、OTC
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
