著名分析師陸東今早（28日）出席活動時表示看俏電動車、潔淨能源及大灣區的投資主題，但相信目前的電動車龍頭Tesla不會成為最終贏家。對於香港物業市場，陸東認為住宅樓價上行空間有限、東九龍商廈空置率回落至20%以下、地產股更有機會出現「抽水潮」而導致股價跑輸大市。
資料顯示，陸東在2015年以70萬元購入Tesla Model S，當時指是基於環保及油價被石油公司操縱感不滿而決定轉用電動車，並向傳媒表示Tesla價錢相宜，舒適度及性能亦不俗。
隨住電動車技術一直發展，成為電動車車主8年的陸東如今指「依家睇個樣（電動車）一定唔係Tesla跑出。見過寶馬、Benz電動車，我覺得應該真係掉咗我架Tesla。（目前其他車廠電動車）好好多，價錢又相宜，始終Tesla唔係做開車，而傳統車廠續航力都幾好」。
他指現階段難以斷定未來是比亞迪、理想、小鵬 等新勢力跑出，抑或是BMW等傳統車廠成為最終贏家，但提醒投資者應留意電動車產業鏈。
另一個值得投資者留意的中國投資主題是 #潔淨能源，基於減少碳排放的國策，「中石化（386）同中石油（857）我覺得唔怕買」，因兩間公司擁有大量天然氣儲存，後者更著力發展石油副產品 氫氣。
他強調「氫氣是未來清潔能源台柱」，雖然目前應用場境不多，但中國在氫氣的儲存與運輸技術已經出現突破，再加上中石油及中石化目前市盈率僅數倍，股息率高見7厘至8厘。
就住香港樓市，他形容港樓細又貴「我細路仔個出黎撈嘅時候4,800蚊一個月，做野一個月人工買到6呎太古城，果時仲要係新樓。依家請個𡃁妹萬八蚊一個月，一個月人工只係買到1呎太古城，仲要已經係40年舊樓。」
雖然金管局已經限借樓價50%予物業投資者，但香港的家庭負債佔GDP比率已經處於有史以來最高，再加上人口老化，陸東認為香港樓價有危險，不過長遠則不太擔心，因為香港是一個移民城市，未來會有新血補充，且香港造地困難對樓價起支撐作用。
樓價以外，他強調「發展商唔係冇風險」，稱領展（823）借貸比率三成都需要供股集資，個別發展商的負債比率都偏高，如新世界（017）高達已七成，「未來會有一個幾明顯既抽水潮，而地產股股價相對地跑輸大市」。
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
