今日的香港作為國際金融都會，事事以「錢」字掛帥；但有人沒忘記香港曾經也是個漁港，更設法在這個商業社會振興本土漁業，甚至毅然放棄本身的事業，傾盡家財成立自家養殖魚品牌，吃力為別人把口奔馳。林子龍 （Alex）的魚排位於榕樹澳，他十年前開始為別人營運水產品牌，2019年起自立門戶投身漁業。
Alex從前擔任形象顧問，曾為不少明星做形象設計，事業有成的他之所以會半途出家做「漁佬」，其實只是想香港人「有啖好食」。「成日覺得香港人咁叻，點解食材方面冇選擇？而家好多小朋友無端端會有敏感症，甚至點解咁多小朋友有濕疹，有好多中醫就會解釋，因為我地係華南天氣，我唔信㗎！」Alex說。
憑著這一份堅持，他用盡所有時間自學養魚技術，「而且自己成日都…唔服氣，因為我成日覺得無理由解決唔到。」對養殖魚的這份熱血，驅使他將整副數百萬元身家投入魚排，他養的第一造魚去年正式賣街。
一個魚排=一層樓
像Alex在香港養魚的人，其實是在參與「倒錢落海」的遊戲，他說：「買魚網、網箱 、魚苗，我已經唔計飼料數，冇四百萬開唔到業。」在創業初期本來無太多人留意，惟早前爆發第五波疫情，進口糧食供應一度緊張，市民轉移購買本地食材，間接令更多人認識其品牌，查詢量亦急增一半。
現時魚排飼養了數種海鮮，包括常見的黃立鯧、石䱽及鱸魚等，Alex指因牌照規定，魚排只能人工繁殖的魚類，魚苗分別從澳洲、台灣等地運來，今年四月，魚排更從澳洲引進藍瓜子斑魚苗來港。
飼養方面，Alex堅持不用藥水，若魚兒不幸染病，也只會用淡水替魚沖身及換位置養殖，最近他們亦嘗試與義工合作，養珊瑚淨化水質，為飼養建立健康環境。餵食亦是重要的一步，他們特別採用魚製成的乾料作飼料，除了對環境更友善外，魚的營養價值亦因而較高，也較健康。
神經血締保食材最鮮狀態
跟其他魚排養殖戶有別，Alex品牌的活魚鮮不會放到街市魚檔售賣，而是採用冷凍形式自家生產銷售，目的是將食材保持在最佳狀態。「（魚檔）要養咁多唔同國家嘅海產，變咗佢入面啲菌係好雜崩冷，變咗佢要搵啲好勁嘅殺菌劑；我捱咗咁耐，啲魚又唔用藥，我賣去街市喺最尾個一步裡面浸藥水，咁我就好唔想。」
要用冷凍形式包裝，魚的處理方法自然亦更花工夫，他們就使用了日本一種名為「神經血締」的技術。Alex即席向記者示範，先用針刺斷魚的神經線，待魚失去知覺後放進水中放血，再將內臟清除及清洗乾淨，最後以負40度的低溫速凍技術保鮮儲存。不過繁複的工序，加上人手不足，劏魚出售也變得困難，「如果我四個同事嘅話，一日做多唔到200條魚。」
冀振興香港養漁業
雖說養殖方法夠創新，但養魚始終是傳統行業，要面對日曬雨淋的辛苦工作環境，難以吸納新人入行，Alex曾嘗試邀請不同界別人士幫忙，但大多數人「捱唔到」，「我自己捱咗好多年，都唔肯請國內嘅伙計，但係喺上一年開始，我終於捱唔住喇，因為確實請唔到香港人」。
據漁護署數據，現時本地海魚持牌經營者僅約920名，養殖海魚更只佔整體市場供應5%，面對行業萎縮，Alex希望能重新帶動香港養漁業發展，「繼續追返我退休前，一成食用魚嗰個Goal（目標），我都好心急想教多啲人出嚟，可以成立自己養殖場，因為我好肯定我一對手，係供應唔晒一成食用魚呢條數量。」Alex說。
宰魚技術示範
➤步驟一
➤步驟二
➤步驟三
➤步驟四
更多精彩影片
上天留下的一扇窗︱照顧女兒辭職戶口剩$3,000 靠YouTube爆紅創成人籃球班先河︱Coach Fui
更多最新最熱最有用財經金融地產資訊 請即登記成為Finance730會員
追蹤Finance730 動向 官方網頁
▼緊貼最新市場走勢
▼消閒生活 時尚品味
▼投資教室 專題研究
