2019年起加密貨幣揭起新一輪炒風，幣價拾級而上，不少人在這段時間以小博大成功致富，不過好景不常，近期加密貨幣陸續出現連環崩盤事件，不止Luna幣的價值數日內暴跌99%，比特幣更一度跌穿兩萬美元關口，多間加密貨幣交易平台面臨倒閉壓力。不少投資者損失慘重。有人指出幣市是Scam（騙局），幣市大牛市受惠者、的Hong Coin講幣創辦人蔡曉東（東記）則認為只是市場波動，若能把握正確機會，一樣能帶來財自跑道。
今年23歲的東記，幾年前靠投資加密貨幣令身家暴漲至9位數字，在踏足幣市前他曾做過不少工作，「嗰時讀書已經做緊飲食業工作，讀完書之後，因為讀書唔係好叻，考唔到啲律師、醫生，結果返地盤、做救生員，三十幾度大熱天時去紮鐵。」由於藍領工作太辛苦，不甘現狀的他決定尋求改變，投身全職炒幣。
「嗰時我係買咗以太坊（ETH），嗰時以太坊大約喺80至200蚊嘅價位。其實我將好多嘅錢甚至所有積蓄，30萬，擺咗喺以太坊現貨度，之後相信佢。」東記說道。
相信價值投資的他，遇上去年幣市高峰期，以太坊一度上至4,600美元的價格，加上炒幣價波幅，短短幾年身家已接近過億，不過他跟記者說自己對財富相當低調：「因為我自己唔係咁鐘意透露架，個感覺好似好炫富咁樣。」
炒幣作為本業，去年東記亦開設網上頻道賺外快，閒時開班教授炒幣做「帶單老師」，吸引不少粉絲收看。他指現時收費會員有500名，以每位會員800元月費計算，即使他不作任何投資，每月仍可淨袋40萬元。
為了讓更多人認識自己，數月前他花近200萬元，在銅鑼灣港鐵站投放大型廣告，誇張程度媲美MIRROR，引起連登網民熱議之餘，廣告內容亦令人摸不著頭腦。東記解釋：「咸魚就係象徵緊一個夢想，究竟你係一條咸魚定還是一個夢想，就算一條咸魚有冇夢想呢？嗰個船個背景其實就係茫茫大海，有艘船向前行緊，但唔知前面有咩等緊佢。我自己覺得呢個廣告應該會有一個好大嘅迴響。」
的確，高調賣廣告當然引起各方迴響，加上幣圈近來遭遇連環不幸事件，多隻加密幣暴跌，包括東記所推介的貨幣，最後更被某部份觀眾圍插，帶來許多負面評論。「我自己有份買LUNA幣，亦曾經有叫過我啲觀眾去買，呢樣嘢我承認，我因為LUNA都輸好多；隨緣喇，我⾃⼰覺得喺⺠主社會⼀定會有唔同聲⾳，在於我⾃⼰嚟講唔係做咩虧⼼事。」
對於加密貨幣被指是「割韭菜」騙局，東記認為只是一般市場波動和回調，「我自己喺幣圈經歷過兩次熊市，我自己個心理壓力會比其他人承受得大，對於而家回調冇乜難受情緒；我知道牛熊係會有轉換，到下一次牛市當我有足夠籌碼，我就可以搵到筆更大嘅錢。」
現時加密貨幣指標比特幣和以太幣都已經回復至2020年水平，有分析師甚至睇淡比特幣會進一步跌到1.3萬美元，但東記反而覺得要人棄我取，更揚言現在是入市好時機，「我估計喺2024年，比特幣將會有個全新嘅牛市；而家比特幣跌到接近兩萬蚊位置，有啲人覺得危險，對於我嚟講差唔多係機會。」
財自後每日生活點過？
過財自生活到底有幾嘆？東記現時租住西貢一幢三層豪宅，他指大部分時間都會留在家中，包括工作及日常生活。訪問當日他就帶記者參觀大宅。
更多精彩影片
員工有錢分先會同老細講願景！︱第三講〈主孰有道〉︱施永青拆解孫子兵法
2022年首季近3,000新Tesla落地｜車主為愛驅平反：我覺得係樹大招風
更多最新最熱最有用財經金融地產資訊 請即登記成為Finance730會員
追蹤Finance730 動向 官方網頁
▼緊貼最新市場走勢
▼消閒生活 時尚品味
▼投資教室 專題研究
