「做人呢，最緊要開心」，呢個被香港廣泛年長觀眾信奉嘅理念最近獲美國大學研究團隊確認。研究基礎係利用AI分析近1.2萬個上市公司業績電話會議對話內容，發現如果Conference Call係笑聲笑聲滿載溫馨、CEO肯搞爛Gag幽人一默，往後一段時間股價反應通常都比較好，因為「幽默」發揮到「壞事變小、好事化大」的作用，仲建議參加電話會議嘅分析員都應該幽默啲，咁樣做有佢哋著數咁話。
4個美國唔同大學的研究人員初衷係了解「幽默」喺企業溝通如何被使用，於是乎決定使用機器學習演算法去辨識企業管理人員在績後電話會議中有冇/點樣運用「幽默」，再以會議後上市公司股價表現去量度「幽默」有冇/有幾大價值。
當然金融世界嘅幽默，同The Big Bang Theory入邊啲科技宅共嗚一樣，需要一定理解門檻，但個演算法就總之聽到有笑聲就計啦。好似Honeywell（HON）2016年第三財季電話會議上，JP Morgan分析師問到係邊個管理層決定回購，Honeywell 主席兼CEO Dave Cote話：「遵循過去15年嘅政策，我盡量唔聽取任何人意見」（ “Well, consistent with our policy over the last 15 years, I try to make all of these decisions with no input from anybody），咁就刺中咗與會者嘅笑點。
結果顯示，秒秒鐘幾百萬上落嘅金融世界唔多人喜歡派膠，只有11.9%的業績電話會議上出現「幽默」呢回事，而市場會用錢打賞佢哋，會議後2日市場反應跑嬴悶到爆嘅電話會議，而且呢個情況喺之後30個同60個交易日情況都冇逆轉到。
原因唔係公司賺大錢令電話會議變爛Gag派對，而係有壞消息果陣，管理層肯開個玩笑可以減低負面影響，而且暗示住未來會有較好的成績。換句話講，分析員聽到管理層仲有心思開玩笑果陣就get到「盈警都仲識講笑，黎緊應該衰極有譜先有底氣響呢個Monent搞氣氛啦」。
除咗管理層應該幽默啲之外，分析員搞吓笑同樣有著數。因為統計證明識搞氣氛嘅分析員會被允許提出更長嘅問題、得到更詳盡嘅管理層回應。
更多投資相關有趣研究
尋找股皇有理｜美股百年55.1萬億財富 只靠966間公司創造
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
