趣BlogBlog｜TVB兩年內定「生死」？（股榮）

市值15億元、手頭現金不足9億元、負債23億元，這就是TVB截至今年6月底的最情情況。負債多過現金並不礙事，問題係，可唔可以係借貸到期前再融資。

23億元借貸，未來一年到期既7億元，手頭現金可以頂住，只不過另外近16億元借貸要係兩年內找清條數，係目前環境，絕對係「生死考驗」。

1）TVB最大債主，係上海商業銀行。15.67億港元借貸要係2025年7月6日償還，利息按浮息計，6月底利率係6.8%。上海商業銀行一年收TVB逾億元利息，同時亦贊助TVB節目，未悉是否有這重關係。這筆貸款屬無抵押融資，上商到期前會否再融資，自然要睇數。

2）TVB亦有兩手準備，大股東之一：華人文化及Young Lion（主要股東黎瑞剛）今年8月訂定協議，會向TVB提供7億港元貸款，TVB已經借咗3億元，另外4億元明年1月可以「提取」，利率以3個月香港銀行同業拆息加1.25%計，以今日3個月HIBOR 5.7%計，借貸息接近7%。

3）企業要生存，不外乎「開源」與「節流」。「士多」合併「鄰住買」，曲線證明電子商貿業務燒錢難變現。「開源」不成，唯有「節流」吊命，今次TVB話重組，可以慳多1億元內容製作成本，屬杯水車薪，如果縮皮可以救命，大概只能複制「亞視永恒」生不如死的命運。

更多TVB相關報導