Tesla行政總裁馬斯克（Elon Musk）本來同Meta創辦人朱克伯格（Mark Zuckerberg）河水不犯井水，不過喺Elon Musk收購Twitter之後，兩位億萬富豪就成為咗競爭對手。但大家都估唔到，佢哋嘅戰火已經蔓延到擂台上面——大家好有可能見證到一場兩大社交媒體巨頭之間嘅「鐵籠格鬥賽」！
前情提要：Meta出新App威脅Twitter地位？
早前有傳Instagram準備推出一個文字版應用程式同Twitter打對台，而且傳聞話呢個新平台同Twitter高度相似。根據知名科技媒體The Verge報導，呢個新平台可能會命名為「Threads」。
馬斯克出言挑釁 朱克伯格準備應戰
喺6月21日，馬斯克喺Twitter上回應咗一篇關於Meta即將發佈Threads嘅推文，寸嘴咁話「我敢肯定，地球已經迫不及待地想完全被朱克伯格控制，而且冇得揀」，之後好似嫌火藥味仲未夠濃，公開表示想同朱克伯格嚟一場「cage match」。
其實語不驚人死不休嘅馬斯克成日都會出Tweet亂噏，網民本來當食吓花生算，但奇就奇在朱克伯格真係回應咗呢封「戰書」——佢將馬斯克嗰句「I’m up for a cage match if he is lol」cap咗圖，放咗上自己嘅Instagram限時動態，直接叫馬斯克畀個地址佢，似乎真係諗住應戰！
【更多馬斯克相關報導】
遭WSJ爆與朋友妻有一腿 馬斯克嬲爆反擊：小報寫狗屎
馬斯克妹妹搞影片串流平台 翻拍情慾小說滿足女性需要
收購曼聯又係講下笑 言論自由惹的禍 盤點馬斯克言論輸錢累街坊
朱克伯格佔年齡優勢 贏過巴西柔術冠軍
既然開咗個頭，馬斯克都冇得縮沙，喺Twitter回應話「Vegas Octagon」（終極格鬥冠軍賽UFC賽事場地），仲話自己有一招叫「海象」嘅絕招，就係瞓喺對手身上咩都唔做。
根據《衛報》資料，51歲嘅馬斯克身高1米87，體型上比1米71嘅朱克伯格有優勢，不過朱克伯格勝在後生12歲，仲係一名習武之人，上個月喺佢生涯第一場巴西柔術比賽中拎咗一金一銀嘅好成績。面對咁強勁嘅對手，馬斯克喺擂台上未必可以如願發動海象必殺技碾壓朱克伯格。
【更多朱克伯格相關報導】
美股冧檔 富豪身家縮水 朱克伯格全人類最傷
科網分析｜ FAANG股中最具價值的三隻（HKMoneyClub）
Meta股價被元宇宙拖進深淵 朱克伯格死撐：策略具歷史意義
UFC主席：佢哋唔係派膠 馬斯克媽媽喝停
UFC主席達納·懷特（Dana White）向美國媒體TMZ Sports證實，佢同馬斯克同朱克伯格傾過偈，話兩位對呢場格鬥嘅態度都係非常認真（dead serious），真心想喺Vegas打。懷特仲透露，馬斯克話自己喺成長嘅過程中，曾經喺南非參加過大量戰鬥；莫非馬斯克其實係一個低調嘅街頭霸王？
雖然有「豐富街頭格鬥經驗」嘅馬斯克對呢場賽事充滿信心，但佢阿媽就未必咁諗啦。馬斯克嘅母親大人Maye Musk喺Twitter上極力阻止馬斯克上擂台，仲話自己已經取消咗呢場比賽，不過馬斯克除咗回覆一個笑喊emoji之後，就冇再留低任何comment，唔知馬斯克會唔會「聽媽媽的話」，就坡下驢取消賽事呢？
更多最新最熱最有用財經金融地產資訊 請即登記成為Finance730會員
歡迎讀者投稿，稿件請投至finance730hk@gmail.com
▼追蹤Finance730 動向 官方網頁
▼緊貼最新市場走勢
▼投資教室 專題研究
▼消閒生活 時尚品味
