0
0

近年最潮的狗種一定非柴犬莫屬,牠們除了是meme圖主角,在香港街頭亦不難見到柴犬拖住人散步的有趣情境。疫情令港人兩年多無法外遊,不少人因而加入「狗奴」行列,柴犬自然是他們的首選。浩賢及阿偉二人看準商機,在今年開設專賣日本種柴犬的高質寵物店,同時兼賣法虎品種,並將自己的專業引入寵物店,賣狗之餘也賣服務。

馴犬師轉跑道創業

浩賢和阿偉養狗多年,本身職業亦與犬隻相關,經常被親友請教養狗心得,又眼見近年香港掀起一股寵物熱潮,故萌生創業念頭,「我哋傾開,不如開間寵物店啦,我又識得訓練犬隻,我兄弟佢又玩比賽,所以我哋一傾就一拍即合」。

本身是一位馴犬師的浩賢,師承香港著名馴犬師張松照,亦擁有美國國際專業練狗師協會(IACP)的「Professional Dog Trainer」資格認可。浩賢告訴記者,IACP資格要先於相關行業擁有五年以上經驗及遞交數篇論文,更要專業人士推薦,現時亦有為不同犬隻提供比賽訓練服務。

阿偉則為一位犬隻牽引師,過往曾參加多項世界級狗展評核,奪得過百個獎項,包括帶領狗狗獲得「全場最佳犬隻」,亦曾經擔任不同狗展的評判,在行內享負盛名。

柴犬最平兩萬八有交易

去寵物店買貓狗最怕「俾人劏到一頸血」,兩位生意初哥就堅持明碼實價。阿偉指,不同出生地、品種等因素都會影響犬隻價格,「好似日本血統嘅柴犬,可能會去到5至6萬左右,但如果日本品種喺香港生下一代,就大約2萬8蚊起步;法虎方面,喺本地有牌狗場配我哋進口嘅公狗生嘅,一般起步價3萬8左右。」

不過今次陪同阿偉一起接受訪問的法虎「喜喜」卻是價值不菲,因牠是由冠軍級入口狗在本地繁殖的第三代,因血統優良,阿偉透露同級數的法虎市價高達20萬元;至於「喜喜」的爺爺則是從外國進口的純種法虎,據阿偉稱,當年進口價高達數百萬港元。

領牌頻「卡關」折騰半年

儘管兩位老闆教狗有一手,可是營運寵物店卻是他們首次,過去半年經歷多次「卡關」才成功開張。浩賢表示,二人早於去年底決定創業,每人出資數十萬元,及後一直物色店址,惟金魚街一帶的舖位出租率甚高,至今年初才覓得一間合適的樓上舖。

簽租約後隨即開始設計及裝修,其間亦要訂造狗籠、貨架及添置傢俬等。為順利領取售賣商牌照,寵物店必須跟足當局規例,「漁護署會睇你個缸(籠)嘅尺寸,做唔做到個標準,畀狗活動嘅範圍、空間夠唔夠,好似啲角位都要有保護,唔會撞到狗仔;缸嘅通風等等都要注意,又要有狗兜擺喺度,廁所呀好多嘢都有限定,要做啱晒先批到牌。」

申領動物售賣商牌照絕不簡單,據漁護署網頁顯示,申請人需要修讀相關培訓課程,成功修畢方能符合資格。阿偉指即使自己訓練狗隻經驗豐富,攞牌賣狗卻是另一回事,「我哋申請呢個牌先知道,原來貓狗啲缸係唔可以對望;啲坑、罅隙唔可以超過一吋。」自入紙開始,漁護署人員到店巡視檢查不下十次,每次均遇到新問題要「執漏」,至今年七月終於成功出牌開張。

加入新元素發展寵物行業

買寵物最怕買到病貓病狗,網上亦有不少寵主分享寵物店的中伏經歷,阿偉坦言「樹大有枯枝」在所難免,只希望做好本份,最起碼要令客人買得放心,「一般嚟講,有好多客人都會覺得寵物店買狗好易死,又驚大陸狗;其他寵物店你只會見到有狗仔喺度,我哋唔同,我哋係(狗仔)爸爸媽媽都可能會見到。」他指店內出售的動物都會帶到獸醫詳細檢查後才交到新主人手。

講到未來願景,浩賢希望加入更多新元素豐富現有業務,如開設團體訓練班教主人與主子相處,「其實好多人買咗狗,或者領養咗隻狗唔識教,導致好多行為問題、意外,所以想喺呢方面為啲新手、新養寵物嘅主人帶嚟知識。」

更多精彩影片:

何厚鏵千金何芓諄創自家手袋品牌 五萬蚊買到鱷魚皮仲有得custom-made!

的士牌價高位累瀉逾250萬 車行老闆坐擁半百牌照 堅稱仍具投資價值:好過買樓

23歲仔炒幣贏1億 搞會員制$800位月袋40萬 回應教人買Luna批評


更多最新最熱最有用財經金融地產資訊 請即登記成為Finance730會員

歡迎讀者投稿,稿件請投至finance730hk@gmail.com

▼追蹤Finance730 動向 官方網頁

▼緊貼最新市場走勢? Facebook

▼消閒生活 時尚品味? Instagram

▼投資教室 專題研究? YouTube

更多最新最熱最有用財經金融地產資訊 請即登記成為Finance730會員

歡迎讀者投稿,稿件請投至finance730hk@gmail.com

▼追蹤Finance730 動向 官方網頁

▼緊貼最新市場走勢? Facebook

▼投資教室 專題研究? YouTube

▼消閒生活 時尚品味? Instagram

發佈回覆